Leo kunako dimba la CCM kirumba jijini Mwanza, wachezaji wa Yanga FC wametoka uwanjani wakiwa wameinamisha vichwa chini kwa kupokea kichapo cha goli moja kwa sifuri dhidi ya Mbao FC.
Bao la Mbao FC limepatikana baada ya Mchezaji wa Yanga Vicent Andrew Dante kujifunga kunako dakika ya 27 ya kipindi cha kwanza baada ya kupigwa krosi kali kutoka magharibi mwa uwanja na kuipatia Mbao FC bao moja.
mpaka kipindi cha mapumziko Yanga walienda wakiwa nyuma ya Bao moja,
mara baada ya mapumziko Yanga walianza mchezo kwa kasi wakitafuta kurudisha bao kwa udi na uvumba lakini jitihada zao zilikuwa butu hazikuzaa matunda.
Mbao FC wameweza kuandika historia ya mara yao ya kwanza kushiriki fainali ya kombe la shirikisho.
hivyo kutokana na matokeo hayo Mbao FC wanakutana kuchuana vikali katika fainali dhidi ya wekundu wa msimbazi Simba, ambao jana waliwatoa Azam FC katika mashindano haya kwa bao moja kwa sifuri.
0 comments:
Comment hapa