Timu ya Taifa, Taifa Stars leo inatupa kete katika mchezo wao wa mwisho wa hatua ya makundi katika mashindano ya COSAFA yanayofanyika inchini Afrika kusini.
mchezo huo utawakutanisha Taifa Stars ambao watachuana vikali na Mauritius majira saa 06: 00 jioni kwa saa za Afrika Mashariki. Taifa Stars ikishinda inajitengenezea mazingira mazuri ya kufuzu hatua ya robo fainali.
Taifa Stars ndio vinala wa kundi A wakiwa na jumla ya alama 4 na jumla ya magoli 2, huku wakifuatiwa na Angola wakiwa na jumla ya alama 4 na goli moja, ambapo tofauti ya magoli ndio yanaiweka Taifa Stars kileleni.
awali Taifa Stars katika mchezo wa wa kwanza walichuana na Malawi ambapo waliwacharaza Malawi magoli 2-0, na katika mchezo wao wa pili katika kundi A walikutana na Angola ambapo walitoa sare ya bila kufungana na kugawana alama moja moja.
Timu mbili vinala wa kila kundi zitafuzu hatua ya robo fainali watakutana na timu za Zambia, Bostwana, Afrika Kusini, Namibia, Lesotho na Swaziland, ambazo zenyewe zimepangwa kuanzia robo fainali zikisubiri washindi kutoka kundi A na kundi B kucheza robo fainali.
0 comments:
Comment hapa