katika michezo ya mzunguko wa 18 wa ligi kuu ya England EPL, leo kumepigwa mchezo katika dimba la Hawthorns, nyasi za dimba hilo zimeikutanisha Manchester united ambao wamepambana na West Brom.
katika mchezo huo Manchester united wametoka kwa shangwe baada ya kuichapa West Brom jumla ya mabao 2-1, ambapo katika dakika ya 27 ya kipindi cha kwanza Romelu Lukaku aliamsha shangwe za mashabiki wa Manchester united baada ya kutikisa nyavu za lango la West Brom, na kuiandikia Manchester united bao la Kwanza.
lakini pia katika dakika ya 35 Manchester united waliongeza bao la pili kupitia mchezaji wake Jesse Lingard.
West Brom walipata bao la kufutia machozi kunako dakika ya 77 ya kipindi cha pili kupitia mchezaji wake Gareth Barry.
Muamuzi wa mchezo huko alimaliza mchezo Manchester united ikitoka kifua mbele kwa kuongoza mabao 2- 1.
Hivyo kutokana na matokeo hayo Manchester United inakuwa nafasi ya pili katika msimamo wa ligi kuu England, EPL ikiwa na jumla ya alama 41, huku West Brom ikishika nafasi ya 19 ikiwa na jumla ya alama 14.
0 comments:
Comment hapa