Msanii wa kizazi kipya ( bongo Fleva) ambae alitamba na nyimbo ya "kazi yangu ya dukani" Dogo Mfaume, amefariki dunia mchana wa leo Jumatano katika hospitali ya taifa Muhimbili.
Mmiliki wa Sobber House alikokua akisaidiwa ili kuachana na utumiaji wa dawa za kulevya amesema ‘alikua afanyiwe upasuaji Ijumaa kutokana na uvimbe kwenye ubongo na alikua tayari ameshapangwa kwenye ratiba’
‘Afya yake ilikua nzuri kabisa na alikua ana mwaka mmoja toka ameacha utumiaji wa dawa za kulevya ‘unga’ na tulikua tumejiandaa kesho twende tukamtolee damu’
Akiongea huku analia Mmiliki huyo wa Sobber House ameendelea kueleza ‘Afya yake ilikua nzuri kabisa na aliniambia dada mimi sitaki kuondoka kwako nataka unisimamie kila kitu na sitaki kurudi mtaani, mtaani hali mbaya na nikikaa kule nitarudi kutumia unga”
Pumzika Kwa Amani Dogo Mfaume
0 comments:
Comment hapa