Leo kunako dimba la Taifa kumerindima mchezo wa ligi kuu ya Vodacom Tanzania bara VPL, ambao uliwakutanisha watani wa jadi Simba VS Yanga, katika mchezo huo Simba imetoka kifua mbele kwa kuicharaza Yanga bao 1-0.
Bao hilo lilifungwa na mchezaji Erasto Nyoni kunako dakika ya 37 ya kipindi cha kwanza baada kupigwa mpira wa adhabu ambao ulipigwa na Shiza Kichuya na kumkuta Nyoni na akaipatia timu yake bao la kuongoza,
Mpira ulienda mapumziko Simba wakiwa mbele kwa bao 1-0, lakini baada ya mapumziko mpira ulianza kwa kasi huku Yanga wakicheza wakiwa pungufu baada ya Hassan Kessy Kulamba kadi nyekundu kunako dakika ya 48 ya kipindi cha pili kwa kumuangusha Asante Kwasi, Yanga walitafuta bao la kusawazisha lakini jitihada zao hazikuzaa matunda,
Hivyo kutokana na matokeo hayo Simba wanakuwa na jumla ya alama 62 katika msimamo wa ligii kuu Tanzania bara huku Yanga wakibaki na alama zao 48.
0 comments:
Comment hapa