Leo kunako dimba la taifa SIMBA SC imetoka kifua mbele kwa kuwacharaza wanalambalamba, AZAM FC bao moja kwa sifuri, bao ambalo limefungwa na Mo Ibrahim kunako dakika ya 48 baada ya kupokea krosi safi kutoka kwa Mavugo na kuachia mkwaju mkali ambao ulimshinda mlinda mlanngo wa Azam Fc.
Azam walijitahidi kurudisha goli lakini jitihada zao hazikuzaa matunda mpaka dakika 90.
Azam walicheza wakiwa nusu baada ya Sure Boy kutolewa nje kwa kulamba kadi nyekundu mnamo dakika ya 16 ya kipindi cha kwanza kwa kumuangusha Ajibu.
Katika kipindi cha pili dakika ya 77 mchezaji wa Simba Mo Ibrahim alilambwa kadi ya pili ya njano baada ya kumkanyaga Kapombe na badala yake kadi hiyo ilizaa kadi nyekundu.
Simba ilikuwa na historia ya kufungwa mara mbili mfululizo na Azam FC ambapo ilifungwa katika fainali za kombe la mapinduzi Zanzibar na mchezo wa pili simba ilifungwa mzunguko wa pili ligi kuu ya vodacom Tanzania Bara.
Hivyo Simba SC imepita kuelekea fainali, na kumsubiri mshindi wa kesho Ambapo kutakuwa na mchezo Kati ya Yanga FC ambao watachuana vikali na Mbao FC jijini Mwanza.
0 comments:
Comment hapa